Presidenti Ilir Meta është në një deklaratë për mediat, ku i ka kthyer përgjigje edhe deklaratës së bërë nga kryeministri Rama pak orë më parë, në një bashkëbisedim me gazetarët.
Rama shprehu keqardhje për situatën e vështirë në të cilën ndodhet Meta dhe se është i gatshëm ta ndihmojë Metën, nëse do i kërkonte ndihmë.
Kësaj deklarate, presidenti Meta i ka kthyer përgjigje duke i thënë se ai nuk ka asnjë problem shëndetësor, por dhe nëse ka do zgjidhte të shkonte tek doktori.
Ndërsa përsa i përket ndihmës së ofruar nga Rama, ai tha se edhe piktura ka mjaftueshëm, por mund të pranonte ndonjë gjë të vogël, të veçantë prej tij.
“Unë e falenderoj për solidaritetin, po të kem ndonjë problem, nevojë për piktura nuk kam, se ai ka qenë për atë punë, megjithatë ndonjë gjë të veçantë mund ta pranoja.
Parametrat e mi janë gjithnjë e një përmirësim, jam gati për majën më të lartë që ka vendi, se nuk dua të largohem, për majën e Korabit, nëse e ka me dëshirë të na bashkëngjitet është e mrekullueshme. E di që ka vështirësi në malet e Tropojës, por në Dibër më të lehtë do ta ketë “-tha Meta
E ndërsa përsa i përket hapjes së negociatave, për Metën, datat 18 dhe 19 tetor janë dy datat më të rëndësishme. Akoma dhe më e rëndësishme është data 13 tetor, me përfshirjen e të gjithëve në zgjedhjet lokale.
“Mos prisni asnjë mrekulli të bjerë nga qielli në 18 tetor, nëse nuk ka dialog zgjedhjesh, ndaj kërkoj dialog”, deklaroi Presidenti Meta.
