Pak minuta më parë, në një deklaratë për mediat presidenti Ilir Meta ka komentuar deklaratën e kryeministrit Edi Rama.
Ky i fundit është shprehur se nuk e njeh datën 13 tetor si datë zgjedhjesh. Meta tha se është gati të negociojë për 13 tetorin, për të dekretuar një datë të re, por përpara se të jepet vendimi i KE për negociatat.
Presidenti Meta ka folur edhe për qokat e ndërkombëtëtarëve, por kjo krizë duhet të kapërcehet në çdo mënyrë.
“Kryeministri e percepton ndoshta si datë tersi 13 tetorin, dhe dua ta siguroj se e vetmja datë ndaj së cilës nuk kam asnjë mundësi të ndikoj është 17-18 tetori, kur udhëheqësit e Bashkimit Europian do të vendosin për çeljen e negociatave me Shqipërinë.
Të gjithë ne tani e kemi të qartë se me mik shumë të fortë, pranimin e qershorit e shtymë për në tetor, për në vjeshtë dhe është e domosdoshme që të jemi të ndërgjegjshëm dhe të sinqertë para shqiptarëve, unë si President, por edhe Rama i kryetar i Qeverisë dhe shumicës, natyrisht edhe zoti Basha, si kryetar i opozitës, se nëse përpara kësaj date ne nuk do të arrijmë të organizojmë zgjedhje gjithëpërfshirëse vendore dhe të gjejmë një formulë për kapërcimin e kësaj krize, provimi i vjeshtës është i pakalueshëm”, tha Meta para gazetarëve.
Meta u shpreh se shqiptarët janë lodhur nga justifikimet e askujt për ping-pongun dhe për kalimin e fajit nga një palë në një tjetër. Meta ka shtar se nëse Ramës i ka dalë diçka ters në filxhan, është i mirëpritur të japë një zgjidhje dhe një datë tjetër.
“Të gjithë këto manovra, përpjekje, manipulime dhe qoka ndërkombëtare shkojnë kundër standardeve ndërkombëtare që Shqipëria është e detyrueshme t’i zbatojë. Çdo ndërkombëtar që thotë që gomari fluturon, kjo mund të ndodhë në art dhe pikturë, por në Shqipëri e dimë që gomari nuk fluturon. Nuk është shqiponjë”, thekson Meta.
