Presidenti Ilir Meta ndodhet këtë të premte në qytetin e Korçës, prej ku ka vlerësuar katër ish të përndjekur politikë.
Gjatë vizitës së punës në Korçë, Kreu i Shtetit ka dekoruar të përndjekurit Ylber Merdani, Shpresa Ballolli Merdani, Nevruz Golka dhe Petrit Bazelli.
Në fjalën e tij, Meta është shprehur se ata janë shembull i vetëdijes qytetare e kombëtare, si dhe shembull frymëzimi për brezat e sotëm e të ardhshëm.
“Ata përjetuan përndjekje e dhimbje të jashtëzakonshme. Ish të përndjekurit vlerësohen si simbole të rezistencës. Nderojmë qëndresën dhe sakrificën e katër të përndjekurve. Ata janë shembull të vetëdijes qytetare dhe kombëtare, si dhe shembull frymëzues për brezat e sotëm e të ardhshëm. Ata bënë gjithçka për të vendosur demokracinë në Shqipëri”, tha Meta.
Gjatë deklaratës së tij për media në qytetin e Korçës Presidenti Meta, rikujton edhe një herë që të tregojnë kujdes me vurisnin e rrezikshëm të Covid-19 sepse situata me pandeminë është drejt një vale tjetër infktimi.
Ndër të tjera ai i bën thirrje Partisë Demokratike që të respektojë rregullat dhe të vazhdojë me parimet e Kushtetutës. Ai tregon që në çdo moment do jetë i hapur kundrejt çdo fryme bashkëpunimi pasi edhe Parlamenti u hap dhe do jetë një propcëes i gjatë.
“Së pari sovraniteti është respektimi i vullnetit të qytetarëve, sigurisht kur quytetari është i ndërgjegjshëm për fuqinë e votës së tij, kur nuk e tregton në favor të gjërave të momentit, të cilat i humbet shumë shpejt. Sa i takon sovranitetit pa asnjë diskutim fjala kyç për Shqipërinë është ajo për vitet që do të vijnë.
Çka do të thotë jo që të mos plotësojmë detyrimet për NATO apo për anëtarësimin në BE, pasi ne i kemi të parashikuara qartë në Kushtetutën e Republikës së Shqipërisë. Besoj që në radhë të parë është e rëndësishme ti kthejmë sovranitetin qytetarëve, që të mos jenë viktimë e arbitraritetit të elitave, që duan ta nxjerrin sistemin jashtë kontrollit.
Jemi të hapur në çdo moment që të plotësojmë detyrimet kushtetuese, qeveria e re duhet të fillojë nga puna sa më parë, dhe Kuvendi të nisë punën për kontrol
lin e saj.
Berisha? Nuk dëshiroj të merrem me çështje të tilla, për arsye se nuk është kjo detyra ime, sigurisht që zoti Berisha nuk mund të rri pa e thënë, që është si vera sa më shumë kohë kalon, aq më tërheqës bëhet dhe aq edhe më demokratikë”
