Kreu i partisë së Lirisë Ilir Meta doli gjatë 2 deklaratave për media dhe foli për problematikat e kryeqytetit gjatë viteve të fundit. Mollë sherri në fund u bë postimi i Metës, i cili sot në mëngjes, pas intervistës së Veliajt në Neës24, postoi një foto ku pretendonte të Tiranës 1980 dhe asaj të 2021. Menjëherë pas kësaj ka reaguar Kreu i Bashkisë së Tiranës, Erion Veliaj.
Pavarësisht se vërtetësia e fotos së postuar nga Meta është e dyshimtë, pasi qyteti në foto nuk duket si Tirana, Veliaj e ka thumbuar Metën duke i kujtuar kohën kur ishte Kryeministër.
Veliaj thotë se fotoja e publikuar nga Meta nuk ka asnjë lidhje me Tiranën e vitit 2021 sepse aplikacioni i “il Meteo” e nxjerr ajrin e Tiranës sot shumë më të pastër.
“Të kesh nostalgji për Tiranën, kur ishte qyteti i fuksave të sigurimit, është e drejta jote. Por siç të mirëpriti ty, ka mirëpritur dhe 1 milionë të tjerë! p.s. Foto e Tiranës 1999 kur ishe KM me Sharrën tym e flakë e gëlqeret e Krujës si vello. S’ke asnjë ndërtesë 2021 në foto!”, shkruan Veliaj.
“Koha për t’u zgjuar që Tirana të çlirohet dhe të marrë frymë përsëri!”, shkroi Meta.
Meta gjatë një konference sot nuk mohoi që mund të kandidonte për kryetar të kësaj bashkie vitin tjetër