Deklarata e fortë e Ilir Metës se do të japë dorëheqjen ka ngjallur polemika të shumta dhe një ndër personat që ka dhënë mendim ka qenë edhe ish-deputeti, Dashamir Shehi.
Nga studio e Opinion, Shehu ka thënë se nëse Meta vendos vërtet të dorëhiqet atëherë kjo do të ketë një peshë të madhe politike, mirëpo sipas tij kjo nuk do të ndodhë, pasi kriza do të thellohej dhe të tjera mangësi do të shfaqeshin.
Megjithatë sipas ish-deputetit e vetmja arsye që mund të shtynte presidentin të merrte një vendim të tillë do të ishte sensibilizimi i ndërkombëtarëve për gjendjen në të cilën Shqipëria është duke kaluar.
Mesa duket të njëjtin mendim me Shehin, pra që Meta nuk do të dorëhiqet ndan edhe analisti Baton Haxhiu, i cili ka thënë se presidenti njihet për “shpërthimet e tij”, por që vetëm kaq.
“Është e pandershme që presidenti të jap dorëheqjen. Nuk ta merr serioze ajo që thotë Meta, cila është ajo ushtri që do të rrëzojë Metën”.
