Presidenti Ilir Meta i ka dërguar një letër Komisionerit për Zgjerimin dhe Fqinjësinë e Mirë, Oliver Varhelyi, një ditë pasi Komisioni Europian propozoi çeljen e negociatave mes Shqipërisë dhe BE-së.
Meta i bën me dije zyrtarit të BE, se në Shqipëri ka një krizë politike, e cila është shtuar, nga përpjekjet e shumicës qeverisëse, për kapjen e Gjykatës Kushtetuese.
“Nuk mund ta fsheh keqardhjen në lidhje me fotografimin e fakteve lidhur me procesin e krijimit të Gjykatës Kushtetuese për të cilën thoni: “Ka një mosmarrëveshje në lidhje me të fundit anëtarë të nominuar si pasojë e një interpretimi të procedurave të emërimit nga Presidenti Republikës”. Padiskutim ka një mosmarrëveshje, në lidhje me procedurën e emërimit të gjyqtarëve kushtetues, por kjo vjen nga interpretimi i ndryshëm prej shumicës qeverisëse e cila tenton të kapë Gjykatën kushtetuese të vendit duke e shtuar këtë krizë Sui Generis në Shqipëri”, shkruan Meta.
Në letrën e Metës të siguruar nga “Top Channel”, thuhet se shumica ka përfituar nga mbështetja e BE, për të miratuar ligje anti-kushtetuese.
Më tej kreu i shtetit shkruan, se është përballur me heshtjen e misionit të EURALIUS, pas ankesave të tij.
Ndër të tjera në letër thuhet se çdo ndihmë e mëtejshme në gërryerjen e demokracisë, do të përshkallëzojë krizën aktuale dhe do të inkurajojë shpopullimin e Shqipërisë.
“Shumica publikisht ka spekuluar për të përfituar mbështetje të plotë nga BE duke miratuar masa legjislative antikushtetuese përfshi këtë ligj. Kam kërkuar të di pozicionin zyrtar të parlamentit për këtë çështje, por kam hasur në heshtje përballë këtyre akuzave. Katallogu ankesave të presidentit vijon edhe me misionin e EURALIUS në Tiranë. Dua t’u theksoj se i vetmi aktor që në mënyrë të pashpjegueshme që nuk më është përgjigjur është misioni EURALIUS 5, një trupë e thirrur për të ndihmuar autoritetet në këtë çështje lidhur me reformat e BE. Presidenti përcjell edhe këtë kërkesë për komisionerin për zgjerim në BE shoqëruar me një paralajmërim të fortë se çdo, të ndodhë në Shqipëri me atë që presidenti e quan krizë. Besoj se Komisioni Europian duhet të vihet me gjithë zemër në krah të interesave të popullit shqiptarë. Çdo lloj ndihmë e mëtejshme në gërryerjen e demokracisë dhe shtetit ligjor në vendin tim, do të përshkallëzojë krizën aktuale dhe inkurajojë ç’popullimin e Shqipërisë”, shkruhet më tej në letër.
Në fund letra e Metës mbyllet me premtimin, se do të vijojë të mbrojë integritetin e Gjykatës Kushtetuese.
“Unë do të qëndroj i palëkundur në mbrojtje të integritetit të themelimit të gjykatës kushtetuese si e vetmja shpresë për një qeverisje me llogaridhënie përmes parimit Check and Balance, në mënyrë të posaçme përballë kësaj situate politike dramatike në Shqipëri”, mbyllet letra.
