Presidenti Ilir Meta ka dekretuar ndryshimet në Kodin Penal, për situatën e krijuar nga COVID-19.
Sipas kreut të shtetit, në Kodin Penal kishte një boshllëk ligjor për veprimet që kryhen me dashje.
Presidenti theksoi se ndryshimet u propozuan jo vetëm nga ai, por edhe nga Avokati i Popullit e shoqëria civile.
“Ju përgjigja kërkesës së Kuvendit për ndryshimet në Kodin Penal. Nisur nga zhvillimet, nga gjendja e fatkeqësisë, por mbi të gjitha për shkak të boshllëkut ligjor që ka Kodi Penal, sa i takon veprimve që kryhen me dashje, Presidenti vlerëson se inciativa e Kuvendit dhe qeverisë, që mbrojtja e shëndetit të gaerantohet edhe nga norma penale, duhet mbështetur. Presidenti konstaton se mes draftit të prezantuar fillimisht nga deputetët dhe përmbajtjes finale ka shumë ndryshime thelbësore positive, që kanë reflektuar një pjesë të sugjerimeve të shoqërisë civile, avokatit të popullit, Presidentit”, tha Meta.
Ndër të tjera presidenti theksoi se ndryshimet në Kodin Penal, janë në përputhje me Kushtetutën dhe ligjet e vendit.
Për më shumë lexoni: Miratohen ndryshimet në Kodin Penal për COVID-19, Kuvendi pranon propozimet e Metës
