- Ditën e sotme Presidenti aktual Ilir Meta do të lërë detyrën që mban aktualisht si President i Republikës së Shqipërisë duke ia lënë vendin Bajram Begajt. Meta e mban postin e presidentit prej 5 vitesh tashmë dhe gjatë mandatit të tij ka pasur debate të ashpra me maxhorancën për atë që ai e quan “mbrojtje e Kushtetutës”. Presidenti Ilir Meta, në ditën e tij të fundit si kreu i shtetit shqiptar, ka zgjedhur të jetë aktiv në rrjetet sociale dhe të këmbejë komente me ndjekësit.
Meta ka shkruar se beteja të forta e presin përpara ndërsa ka paralajmëruar se nesër nis një agim i ri, që do të rikthejë demokracinë dhe llogaridhënien në vend.
“Beteja të forta kemi përpara. Por a mund të arrish në maja pa bërë edhe pak malore? Malet tona më të larta! Një agim i ri nis nesër që do të rikthejë demokracinë dhe Llogaridhënien”, ka shkruar presidenti Meta.
Ai ka falënderuar qytetarët për mbështetjen, duke mos harruar qytetarët e 2 Marsit.
“E ndjeja përkrahjen e të gjithë shqiptarëve të ndershëm. Mirënjohje në veçanti për popullin e 2 Marsit për ndërgjegjen e lartë patriotike që tregoi”, shkroi Meta.
Kujtojmë se Presidenti i ri do të betohet sot në parlament dhe do të marrë zyrtarisht postin e Presidentit. Ndërkoë Meta pas lënies së Presidencës mendohet se do të kthehet në krye të LSI.
Taksa 15% trondit pensionistët italianë në Shqipëri, letër e hapur Ramës
Një grup pensionistësh italianë që jetojnë në Shqipëri i ka dërguar një letër të hapur kryeministrit Edi Rama, duke shprehur...
