Kryeministri i vendit, Edi Rama është përplasur me ministrin gjerman të Shëndetësisë, Jen Spahn për një deklarata të këtij të fundit lidhur me udhëtimet jashtë vendit dhe Ballkanin.
Spahn ka deklaruar për BILD se vitin e kaluar rreth 50% e rasteve të reja në Gjermani erdhën si pasojë e udhëtimeve në Ballkan e Turqi, dhe këtë vit duhet parandaluar.
“Ne mësuam nga vera e kaluar. Në atë kohë, udhëtimet jashtë vendit, shpesh vizitat te të afërmit në Turqi dhe Ballkan, shkaktuan rreth 50 për qind të infeksioneve tona të reja në faza. Ne duhet ta parandalojmë këtë vit “.- deklaroi Spahn.
Kryeministri Edi Rama ka reaguar për BILD ndaj Spahn duke e cilësuar si një skandal që ministri gjerman ka denoncuar publikisht Ballkanin.
Rama siguron se nuk do të lejojë që Shqipëria këtë verë të cilësohet si zonë rreziku e ti ndalohet udhëtimet pasi nuk ka shifra që ta provojnë këtë.
‘’Skandal që një ministër gjerman denoncon publikisht Ballkanin dhe kështu gjithashtu zhvlerëson njerëzit me një sfond migrimi. Unë nuk do të lejoj që Shqipëria të portretizohet si një zonë rreziku për udhëtimet e pushimeve, nuk ka shifra për ta provuar këtë. Një ministër gjerman i shëndetësisë duhet të kujdeset për vaksinimin e popullsisë gjermane dhe të mos zgjojë pakënaqësi stereotipike kundër Ballkanit në mënyrë që të mbrojë një rekord të dukshëm të keq.’’- tha Rama.
