Fitorja e fundit e Barcelonës në ndeshjen kundër Juventusit i dha pikët e merituara ekipit për të ecur përpara por jo vetëm.
Dhe golat e protagonistëve janë shumë të rëndësishëm për karrierën e tyre personale dhe profesionale. Përmendim këtu yllin e katalanasve, Leo Messin i cili me golin e tij i dha fitoren Barcelonës dhe kaloi në vendin vendin e katërt të golashënuesve më të mirë të gjithë kohërave. Deri më tani 33-vjeçari ishte në të njëjtën kuotë golash me legjendën e Gjermanisë, Gerd Muller, por tashmë Leo ka një gol më shumë se ai.
Në listën e 15 golashënuesve më të mirë janë vetëm tre lojtarë që luajnë ende. Bëhet fjalë për sulmuesin e Milanit, Zlatan Ibrahimovic, i cili renditet në vendin e 11 me 552 gola të shënuar në karrierën e tij. Në vendin e katërt gjejmë tashmë Leo Messin, i cili ka shënuar 721 gola. Sigurisht nuk mund të mungonte Cristiano Ronaldo që renditet në vendin e dytë me 742 gola të shënuar
Lista e golashënuesve më të mirë në histori: 11. Zlatan Ibrahimovic – 552 gola; 10. Artur Friedenreich – 554 gola; 9. Ferenc Deak – 558 gola; 8. Eusebio – 615 gola; 7. Josef Bican – 636 gola; 6. Ferenc Puskas – 706 gola; 5. Gerd Muller – 720 gola; 4. Lionel Messi – 721 gola; 3. Romario – 734 gola; 2. Cristiano Ronaldo – 742 gola; 1. Pele -767 gola
