Ikja e Ronaldos nga Real Madriti duket se i hapi rrugën edhe kundërshtarit më të madh të tij, Lionel Mesit. Menaxheri i FIFA-s, Alesi Sundas ka thënë se mund të ndodhë një transferim i mundshëm i Mesit tek zikaltrit e Interit.
Sundas ka folur për për “Calciomercato.com” rreth kësaj mundësie dhe derisa bardhezinjtë e Juventusit arritën të sillnin Ronaldon, zikaltërit e Interit mund të kenë një mundësi me Leon.
“Mesi te ekipi i Interit? Epo, pas transferimit të Ronaldos tek Juve gjithçka është e mundur tashmë. Juve pagoi një shifër të madhe për portugezin dhe kjo ka ndryshuar gjithçka. Ata kanë fituar shumë nga marrëveshja kryesisht falë marketingut…
…Nëse bardhezinjtë arritën të sillnin Kristianon nga Reali, unë mendoj se dhe zikaltërit mund të bëjnë një tentativë për Leon. Çfarë do të humbasin? Mendoj se është e mundur. Le të shohim si do të shkojnë gjërat në të ardhmen, po varet edhe nga Barcelona.”- përfundoi Sundas.
