Autioriteti Kombëtar i Ushqimit, pas një inspektimi në një magazinë mielli në Fushë Kruijë ka bllokuar rreth 140 tonë miell për shkak të kushteve skandaloze higjieno-sanitare në të cilat ruhej produkti.
Kompania në pronësi të Afrim Bicit gjithashtu është gjobitur me 3.15 milionë lek për shkeljet e kryera.
Nga të dhënat dhe fotot e publikuara nga AKU, rezulton se në subjektin në fjalë është konstatuar prania e brejtësve (minj të ngordhur), insekteve, parazitëve e lagështisë.
Gjithashtu në njoftim bëhët e ditur se ndonëse ushtronte këtë aktivitet prej vitesh, kompania në fjalë nuk kishte licencën e duhur e njëkohësisht tregtonte edhe plehra kimike.
Njoftimi i AKU:
“Aktiviteti ushtrohej në kushte të papërshtatshme higjeno-sanitare, produktet nuk ishin të sistemuara në paleta, por të hedhura/shpërndara në dysheme, konstatohej prania e lagështisë, brejtësve/minj të ngordhur, e merimangave dhe parazitëve të tjerë” thuhet në njoftim. Sasia e produkteve prej 141.6 ton përbëhej nga 30 ton ushqim për njerëz (10.5 ton miell importi turk, 19.5 ton miell vendi) dhe rreth 111.6 ton ushqime për kafshë që përdorën për ushqim për njerëz (33.4 ton krunde/hime, 19.8 ton tërshërë, 19.6 ton sojë, 14.8 ton grurë, 10.3 ton miell misri, 5.7 ton grurë, 5 ton misër dhe 3 ton elb).”
