Pas një jave kërkimesh intensive, Bahrije Gjuni, gjyshja që rrëmbeu nipin 3-vjeçarin Amar, e ka dorëzuar atë në Prokurorinë e Durrësit.
Ndaj saj është lëshuar një masë e arrestit me burg në mungesë nga prokuroria e Durrësit, ndërsa policia po bën ndalimin e saj, për t’u përballur me drejtësinë.
Burrë e grua, akuzohen se kanë marrë në mënyrë të padrejtë nga nëna, nipin e tyre 3-vjeçar, 1 vit pasi djali i tyre humbi jetën në një aksident rrugor.
Përveç dy gjyshërve, policia arrestoi dhe vëllanë e Bahrijes, ndërsa shpalli në kërkim vëllanë tjetër të saj.
Gjatë ditës së djeshme, Gjykata e Durrësit caktoi masën arrest me burg për Rexhep Gjunin dhe kunatin e tij, Arben Selaj, të cilët akuzohesin për rrëmbimin e 3-vjeçarit në Durrës.
Rexhep Gjuni dhe Arben Selaj, vëllai i bashkëshortes së tij, u arrestuan menjëherë pas denoncimit të nënës së 3-vjeçarit.
Kjo e fundit dëshmoi se pas ndarjes nga jeta të bashkëshortit të saj, ajo ishte kthyer që të jetonte me prindërit e saj, megjithëse djalin nuk e kishte privuar nga takimet me gjyshërit.
