Një magazinë me materiale ndërtimi ka marrë flakë në Kukës.
Menjëherë në vendngjarje kanë shkuar zjarrfikëset, të cilët po punojnë për të vënë në kontroll flakët.
Edhe pse ndodhen më shumë se një orë në vendngjarje, flakët nuk janë qetësuar.
Kjo për shkak se në magazinë ndodhen materiale të ndryshme që nxisin zjarrin, siç janë bojrat kimikate apo gomat e makinave.
Shkaqet e zjarrit ndërkohë janë ende të paqarta.
Në vendngjarje janë mbledhur edhe shumë banorë të zonës.
