Gjermania është padyshim ndër shtetet që e ka menaxhuar më së miri situatën e krijuar nga Covid-19 dhe në këto kushte, kancelarja gjermane Angela Merkel ka vendosur të rikthejë “jetën” në Gjermani, por me rregulla të reja dhe strikte.
Kancelarja Merkel urdhëron të gjithë qytetarët të mbajnë një distancë prej 1.5 metra largësi, duke paralajmëruar se kush nuk e zbaton këtë masë, do të gjobitet nga 250 euro deri në 20 mijë euro.
Mes të tjerash, Angela Merkel njoftoi edhe 4 masa të tjera, teksa tha se do të nisë pak nga pak hapja e bizneseve, si dhe shkollave pas 4 majit.
Gjermania gati t’i rikthehet jetës normale, ja 5 masat e reja që ndërmori Merkel
Mirëpo, gjendja në Gjermani ka marrë një kthesë të papritur sepse në 24 orët e fundit në kanë humbur jetën 315 pacientë me koronavirus, duke e çuar në 3,867 numrin e përgjithshëm të viktimave në vend, teksa kjo është shifra më e lartë që ka shënuar Gjermania që prej shpërthimit të koronavirusit.
Po ashtu, janë konfirmuar 2,866 raste të reja, duke e çuar në 130,450 numrin e përgjithshëm të të infektuarve me Covid-19.
Bilanci nga Covid-19 vijon të thellohet dhe deri tani në rang botëror janë 2,107,450 të infektuar dhe 136,990 viktima, teksa SHBA renditet e para për bilancin e shkaktuar nga koronavirusi me 653,099 të infektuar dhe 33,394 viktima.
