TIRANË
Skulptori i njohur Arben Bajo ka humbur betejën me koronavirusin, duke ndërruar jetë gjatë ditës së sotme.
Lajmi u bë publik nga miqtë e tij në rrjetet sociale, të cilët kujtojnë me nostalgji mjeshtrin e artit.
Historiani i artit dhe pedagogu i njohur Arbër Kadia ka ndarë lajmin për ndjekësit.
“Mëngjes i trishtë!
Duararti Arben Bajo nuk i’a doli dot, fitoi Covid-19!😥
Paqe e përjetshme për ty mjeshtër!”, shkruan Arbër Kadia.
Bajo po luftonte ndaj sëmundjes me vendosmëri, por ditët e fundit gjendja e tij u bë gjithmonë e më kritike.
53-vjecari Arben Bajo është skulptor dhe pedagog pranë Universitetit të Arteve në Tiranë. Ai ka celur ekspozita personale në Shqipëri e jashtë vendit.
Edhe ish-ministrja e Kulturës Mirela Kumbaro ka kujtuar profesorin e njohur të Arteve.
“Të mos kishte ardhur ky mëngjes që u gdhi duke ikur Arben Bajo😢
Artisti i formave të heshtura që do te flasin përjetë,😢
Gjirokastriti i heshtur që fliste me sy e me duar të arta😢”, shkruan ajo.
