Mendohet se kanë lidhje me familjet e prekura, identifikohen 9 raste të reja me COVID-19 në Shkodër

Google+ Pinterest LinkedIn Tumblr +

Shkodra njohu ditën e djeshme një rritje të frikshme të rasteve me COVID-19.

Në qytetin verior u regjistruan 12 raste të reja, duke dyfishuar shifrat dhe duke shkuar në 22 të prekur.

“Top Channel” shkruan, se në 24 orët e fundit janë identifikuar edhe 9 raste të tjera, të cilët mendohet se kanë lidhje me dy familjet e prekura.

Pritet që rastet e reja të konfirmohen në përditësimin e të dhënave nga Ministria e Shëndetësisë.

Bilanci i COVID-19 në vendin tonë ka shkuar në 304 të prekur, në mesin e të cilëve 17 viktima dhe 99 të shëruar.

Në spitalin Infektiv ndërkohë ndodhen 73 persona, 7 prej të cilëve në terapi intensive, ku dy janë intubuar.

Ndërsa në spitalin COVID2, “Shefqet Ndroqi”, ndodhen 4 pacientë, dy prej të cilëve janë intubuar.

Qyteti më i prekur është Tirana me 146 raste, nddërsa ndjekin më pas Durrësi me 32 dhe Fieri me 25.

Sipas ekspertëve, Shqipëria ndodhen në pikun e epidemisë dhe tashmë rreziku është më i madh.

Autoritetet bëjnë thirrje për qytetarët që të respektojnë distancat e sigurisë, higjienën dhe të minimizojnë daljet nga shtëpitë.

Shpërndaje
Share.

Komento