Presidenti i Serbisë, Aleksandar Vuçiç, nesër në orën 18:00 do t’i drejtohet publikut me një konferencë të quajtur sipas zyrës së shtypit si emergjente. Arsyeja për këtë konferencë do të jetë për të njoftuar hapat e radhës dhe reagimin ndaj terrorit që regjimi shqiptar në Prishtinë sipas qeverisë serbe po bën ndaj popullatës serbe në Kosovë e Metohi.
Sipas informacioneve jozyrtare, edhe Beogradi zyrtar po shqyrton mundësinë e shpalljes së pushtimit të një pjese të territorit. Shpallja e Kosovës dhe Metohisë si e pushtuar përfshin një sërë hapash të tjerë që përfshijnë përgatitjen për kthimin e kësaj pjese të territorit gjë do të thotë se një vendim i tillë do të kishte pasoja të caktuara, jo vetëm për shkak të rrezikimit të mundshëm të progresit ekonomik të Serbisë, por edhe për faktin se do të njihte ligjshmërinë dhe legjitimitetin e të ashtuquajturës ushtri të Kosovës dhe organeve të tyre si palë të kundërta juridike. E në këto situata rreziku për një konflikt të rënduar që mund të dërgojë edhe në përballje fizike është i lartë. Por përveç dëmeve që mund të sjellë në Serbi ky y veprim i aluduar në mediat serbe mund të ketë pasoja të rëndësishme dhe të ndikojë në legjitimitetin e institucioneve të Kosovës. Po se çfarë do të vendoset do të bëhet e ditur nga presidenti Vuçiq të premten në orën 18.00.
