Historia e Inës nga Korça është nga më të pazakontat që mund të keni dëgjuar ndonjëherë.
Ajo tregoi vuajtjet e saj në emisionin “Me zemër të hapur”, ku rrëfeu se po rrit e vetme tre fëmijë.
Sipas 31-vjeçares, të tre fëmijët vijnë nga tre lidhje të ndryshme.
Ina shprehet se pa prindërit dhe vëllanë e saj, nuk do t’ja kishte dalë kurrë.
Lidhja e parë e saj erdhi në moshë fare të re, kur ishte vetëm 17 vjeç.
Në moshën 20 vjeçe ajo bëhet nënë, por derisa djali mbushi 4 vjeç, bashkëshorti i saj nuk punonte.
I vogli ka probleme me sytë , por burri i parë nuk do t’ja dijë dhe e takon vetëm 1-2 herë në vit.
E reja do të ndahej nga burri i parë, në momentin kur merr vesh se ishte lidhur me shoqen e saj të ngushtë, të cilën e kishte lënë shtatzënë.
“Familja ime përbëhet nga 2 prindërit punëtor dhe një vëlla që me ka falur shumë. Prindërit dhe vëllai me kanë ndihmuar shumë dhe pa ata nuk do ja kisha dale dot kurrë. Kam qenë e lidhur me prindërit deri 18 vjeçe ndërsa me vëllain kemi qenë si shok. Por pas ndarjes nga burri i parë gjërat ndryshuan. 17 vjeçe u fejova, ndërsa 20 vjeçe u bëra nënë. Deri sa djali shkoi 4 vjeç ai nuk punonte. Djalin e takon vetëm 1 ose 2 herë në vit (djali nuk do që ta takojë babain e tij). Djalin e kam të sëmurë nga sytë. I kërkova lekë babait të tij (ish-burrit) se me duheshin për problemet me syrin që ka djali dhe ai nisi të tallej dhe unë i bëra bllok. Burrin e parë e njoha në shkollë. Pas dy vitesh në jetë erdhi djali. Me të u ndava pasi zbulova që ai kishte një tjetër, shoqen time të ngushtë. Më pas mora vesh që e kish lënë edhe atë shtatzënë”, rrëfen e reja.
Mirëpo pas zhgënjimit të parë, ajo njihet me dikë tjetër, i cili ndodhej në burg.
Ndërmjetëse mids tyre u bë një mikesha e saj.
Burri i dytë kishte qenë i martuar një herë, ndërsa nga lidhja e tyre lindi një djalë.
Sërish ajo do të divorcohej, pasi merr vesh se ai fliste me një komshien e saj.
Gjithashtu vjehrra nuk e pranonte për shkak të fesë.
Edhe ky, pas daljes nga burgu nuk do t’ja dijë për djalin dhe është martuar me një tjetër.
“Njoha nga një mikesha ime dikë tjetër, i cili kishte qenë një herë i martuar. Kam qenë me celebrim, e kam njohur kur ka qenë burg. Me të linda një djalë i cili sot është 6 vjeç e gjysëm. Divorcin e bëra kur ai isha në burg, pasi mora vesh që ai fliste me një komshien time dhe një tjetër problem ishte vjehrra, e cila ishte shumë diskriminuese përsa i përket fesë time. Sot ai ka dalë nga burgu është martuar me dikë tjetër dhe nuk bën fare djalin”, vijon Ina.
Pas dy zhgënjimeve ajo rinis jetën në Tiranë, ku fillon punë në një “Fast Food”.
Aty ajo njihet me një klient dhe u dashurua me të.
E reja ngel sërish shtatzënë, por këtë herë nuk ia thotë familjes.
Prindërit e saj e marrin vesh, vetëm kur ajo është gati për të lindur.
Ina shton, se nuk donte që ta lindte fëmijën e tretë, por burri i bëri presion dhe më pas e braktisi.
Me lot në sy, e reja tregon se ka bërë punë të ndryshme për të mbajtur fëmijët, por ajo që i ka mbetur peng, është fakti se vajza e saj është pa baba.
“U njoha me dikë tjetër kur erdha në Tiranë. Punoja këtu. Familja e tij nuk donte sepse isha me dy fëmijë, ndërkohë që isha shtatëzënë, ai më la për dikë tjetër. Më braktisi dhe nuk e njohu as fëmijën. Gjatë shtatzënisë se tretë (me bashkëjetuesin e tretë) familja me braktisi. Deri 6 muajshe doja ta hiqja atë fëmijë sepse nuk doja një të tretë. Askush nuk më strehonte, fëmijët mi mbante nena por nuk me fliste. Ua mbajta të fshehur shtatzëninë e tretë dhe familja e mësoi vetëm kur isha gati të lindja. Një pastore më strehoi. Kam punuar kudo. Kam punuar si pastruese vetëm që fëmijët e mi të jetojnë. Partneri i tretë më detyroi ta lindja atë fëmijë se me thoshte se nëse nuk e lindja, atëherë nuk ishte i tij. Por vajza me dhemb më shumë në shpirt, pasi ka mbetur pa atësi. Nuk dua të shkojë në shkollë dhe të mbetet pa atësi, e bija e kujt është. Me burrin e tretë nuk ndihesha mirë, pranoja gjithçka se nuk kisha ku të shkoja. Kur isha 6 muajshe më kërkoi që fëmijën ta hiqja. Por nuk e hoqa. Më pas ai më thoshte ‘hiqe fëmijën se unë nuk e dua me’. Më pas më tha; ‘Mbaje fëmijen se do vij’, në fakt nuk erdhi me kurrë”, tregon e reja me lot në sy.
