Detaje të reja kanë dalë në pah në lidhje me vrasjen e ndodhur dje në Gjirokastër, ku mbeti i vrarë shoferi Gëzim Saraçi.
33-vjeçari Mihal Thimjo, që ishte muzikant nëpër dasma e që më herët kishte punuar me mjete të tonazhit të rëndë, ka deklaruar përpara policisë se konflikti me Saraçin ka filluar, pasi ky i fundit i ka thënë “grek”. Thimjo u shpreh se e ka marrë këtë term si ofendim.
Pasi Saraçi i është drejtuar Thimjos me termin “grek”, konflikti ka marrë përmasa tragjike. Autori dhe viktima kanë qenë në gjendje të dehur në momentin e krimit pasi po ktheheshin nga një drekë ku kishin qenë së bashku.
57-vjeçari Saraçi ka goditur i pari Thimjon, i cili është kundërpërgjigjur duke e goditur me levë. Autori 33-vjeçar është plagosur në shpatull dhe në këmbë.
Thimjo u arrestua nga policia 6 orë pas ngjarjes së rëndë, në automjetin e tij, duke udhëtuar në një rrugë nacionale pasi kishte ndërruar rrobat e krimit në një banesë.
Në njoftimin zyrtar të policisë thuhet gjatë kërkimeve janë gjendur në një banesë tjetër rrobat me të cilat viktima ka kryer krimin, të cilat dyshohet t’i ketë ndërruar për të humbur nga gjurmët e policisë.
Ai u kap pas një aksioni policor ku morën pjesë 50 forca policore. Viktima Gëzim Saraçi dhe autori Mihal Thimjo kishin njohje të vjetër familjare mes tyre.
