Kruja ishte një nga qytetet që u prek nga tërmeti shkatërrimtat i 26 nëntorit.
Si pasojë, shkolla e fshatit Nojë u dëmtua dhe doli jashtë funksionit.
Nxënësit ndërkohë janë zhvendosur në qendrën shëndetësore të fshatit, ku dhe zhvillojnë mësimin.
Ambjentet ku nxënësit zhvillojnë mësimin janë shumë të vogla dhe me klasa kolektive.
Godina e qendrës shëndetësore në fshatin Nojë është me suva të rëna, dyer dhe dritare të amortizuara, ndërsa ngrohja është siguruar nga stafi i mësuesve.
Gjithashtu në këtë godinë mungojnë kabinetet, si dhe ambjentet për argëtim.
