Demokratët që pas përjashtimit të Sali Berishës, nga grupi parlamentar janë ndarë në dy kampe. Replika në distancë ditët e fundit ka pasur midis aktivistes së PD-së, Evi Kokalari dhe deputetit Ervin Salianji.
Kujtojmë se deputeti Salianji me ironi ka thënë se nuk e njihte aktivisten e PD-së dhe së fundmi ka reaguar edhe Evi Kokalari.
Nëpërmjet një postimi në rrjetet sociale Evi Kokalari i është përgjigjur deputetit Ervin Salianji. Ajo ka thënë se Salianji nëse do të rrinte me burra si Berisha dhe jo pas fustanit të Grida Dumës, do të kishte arritur të njihet.
“O Salianj më raft pika sa i voçkël je. Po të kishe ndenjur me burrat si Sali Berisha dhe jo mbas fustanit të Gridës, do e kishe mësuar kush është Evi Kokalari. Pi pak qumësht tashti”, shkroi ajo.
Ditën e sotme Ervin Salianji ka qenë i ftuar në emisionin”Breaking” ku dhe i ka dhënë një përgjigje Evi Kokalarit. Salianji ka thëën se nuk i përgjigjet qytetarëve që marrin për të folur, sepse sipas tij janë persona të cilët kanë mllefndaj kujtdo.
“Unë nuk i përgjigjem qytetarëve që marrin mikrofonin në këto takime, edhe në komente kur shkruajnë, njerëz që nuk përfaqësojnë asgjë, që boshësia e tyre bëjnë që të kenë mllef me çdo personazh. Edhe ajo ashtu është,” tha Salianji.
