Më pak humbje jete nga Covid në Kosovë, 299 raste rezultojnë pozitiv

Google+ Pinterest LinkedIn Tumblr +

Në Kosovë gjatë 24 orët e fundit kanë rezultuar pozitiv me koronavirus 299 persona dhe 1 ka humbur jetën.

Në raport me ditën e djeshme numri i infektimeve në vend është rritur pasi dje janë regjistruar 276 persona pozitiv me COVID-19, ndërkohë numri i viktimave është ulur.

Numri i pacientëve të shëruar në 24 orët nga COVID-19 është 526.

Sipas ISHPK-së rastet pozitive janë nga komunat: Prishtinë 94 raste, Podujevë 29 raste, Gjilan 21 raste, Vushtrri 21 raste, Lipjan 14 raste, Ferizaj 13 raste, Mitrovicë 13 raste, Fushë-Kosovë 12 raste, Suharekë 9 raste, Viti 9 raste, Deçan 7 raste, Obiliq 7 raste, Pejë 6 raste, Prizren 6 raste, Malishevë 5 raste, Rahovec 5 raste, Gjakovë 4 raste, Kaçanik 4 raste, Shtime 4 raste, Skenderaj 4 raste, Kamenicë 3 raste, Klinë 3 raste, Drenas 2 raste, Istog 2 raste dhe me nga një rast komunat Dragash dhe Novobërdë.

Rasti i vdekjes është nga komuna: Prishtinë 1 rast (82 vjeç).

Numri total i infektimeve ka shkuar 54.560, ndërkohë që numri i viktimave është  1.388 në të gjithë vendin që nga fillimi i pandemisë, duke përfshirë edhe përditësimet e ditës së sotme.

Pavarësisht se numri i infektimeve në raport me ditën e djeshme është rritur, përsëri situata epidemiologjike në vend është stabilizuar.

Ministri i shëndetësisë Armend Zemaj disa ditë më parë dha lajmin shpresëdhënës, se Kosova bëri të mundur sigurimin e 500 mijë dozave të vaksinës anti-COVID se ajo do të jetë falas për të gjithë qytetarët.

Ndërkohë, kryeministri i vendit Avdullah Hoti ka siguruar se dozat e para të vaksinën do jenë në Kosovë në shkurt, duke shtuar se në plan do të synojë vaksinimin e 20 mijë vaksinave në ditë.

 

Shpërndaje
Share.

Komento