Ata janë dy nga emrat më të komentuar në showbizin shqiptar, e kush tjetër veçse Kiara dhe Luiz.
Këngëtari dhe moderatorja kanë qenë shumë herë në vëmendjen e mediave për jetën e tyre private që pas njohjes në “Big Brother VIP 2”.
Së fundmi u përfol se çifti është në pritje të bëhen prindër dhe në fakt paska qenë e vërtetë, Kiara dhe Luzii kanë vendosur ta zbulojnë përmes një kënge lajmin e ëmbël.
‘Frymë’, titullohet kënga e publikuar nga Luizi, ku tregohen momentet emocionuese të tyre pasi marrin vesh lajmin se do bëhen prindër. Ata përveçse konfirmuan shtatzëninë treguan se po presin të vijë në jetë një vajzë.
Kiara ka ndarë në Instagram një postim ku ka treguar e emocionuar se do të bëhet nënë.
“Ne kur e mësuam lajmin na la pa frymë dhe mezi kemi pritur ta ndajmë edhe me ju. Jemi të mbushur me emocione, pasi shumë shpejt do të vijë në jetë fruti i dashurisë tonë, që mezi presim t’i shohim sytë dhe t’i prekim duart.. Kjo është për të gjithë ju që prej fillimit keni përjetuar me ne ccdo emocion të historisë tonë të bukur të dashurisë. Do të behemi 3”, ka shkruar ajo.
