Një ngjarje e rëndë tronditi Kavajën dy ditë më parë.
Si pasojë e të shtënave në shtëpinë e Marsida Qatjas, humbi jetën Dritan Haxholli, ish-i dashuri i saj dhe u plagos shefi i sigurisë së burgut të Durrësit, Bledar Toçi.
Këtij të fundit Marsida i kishte kërkuar ndihmë, pasi Haxholli e kërcënonte vazhdimisht.
E gjithë skena e krimit është zhvilluar në sytë e djalit 2-vjeçar të 30-vjeçares.
Në momentin e të shtënave, në shtëpinë e saj ndodheshin edhe dy fqinjë, Xhuljo Biturku dhe Ermir Çela.
Ndërkohë banorët e Kavajës ndjehen të bezdisur nga prania e kamerave në qytetin e tyre, shkruan “Top Channel”.
Ata thonë se situata është kthyer në ankth dhe nuk i lënë dot fëmijët të dalin jashtë pallatit, sepse ka njolla gjaku ngado.
“Ne e njohim për vajzë të mirë, Marsidën. U shokuam”, thotë një zonjë.
“Nuk kemi dëgjuar gjë për vajzën ndonjëherë. Na vjen keq që ngjarje të tilla ndodhin në qytetin tone”, thotë më tej një zotëri.
Ndërkohë në shtëpinë e Marsidës është gjetur edhe kokainë.
Për këtë arsye ajo është marrë sërish në pyetje nga Prokuroria.
Marsida ka pranuar se ka konsumuar drogë, të cilën sipas saj, Xhuljo e kishte vendosur në pjatë.
Përsa i përket shefit të sigurisë në burgun e Durrësit, ajo thotë se nuk ka konsumuar lëndë narkotike.
Dëshmitë e saj përpara hetuesve kanë qenë kontradiktore, si për marrëdhënien me Bledar Toçin, ashtu edhe me viktimën.
Marsida Qatja është martuar dy herë dhe ka tre fëmijë, ndërsa burri aktual ndodhet në burg në Gjermani.
