Sekretari i Përgjithshëm i Partisë Demokratike ka reaguar pas raportit të Nismës Globale që e cilëson Shqipërinë dhe më konkretisht Elbasanin, një qendër kyçe për shkëmbimet lindje-perëndim të opiumit dhe heroinës pasi gjendet në rrugën kryesore midis bregdetit shqiptar, Greqisë dhe Maqedonisë së Veriut. Bardhi shkruan në një postim në Facebook se Shqipëria do të vazhdojë të ngelet në udhëkryq me Taulant Ballën, Edi Ramën dhe votat e blera nga krimi. Kandidati demokrat i Elbasanit thotë se beteja për demokraci ia vlen dhe po ashtu edhe lufta ndaj krimit dhe politikanëve të lidhur me të, pasi beteja bëhet për qytetarët dhe vendin.
Postimi i plotë i Gazment Bardhit:
Me Taulant Ballën me vota të blera nga krimi i organizuar dhe me Edi Ramën në krye, për fat të keq Elbasani dhe Shqipëria ngelen në udhëkryq. Elbasani, cilësohet si qendër kyçe e shkëmbimeve lindje-perendim të opiumit dhe heroinës, sipas raportit të Nismës Globale Kundër Krimit të Organizuar Ndërkombëtar. Beteja për zgjedhjet dhe demokracinë ia vlen. Lufta ndaj krimit dhe politikanëve të lidhur me krimin ia vlen. Beteja bëhet për qytetarët dhe për vendin.
Ndër të tjera në raport thuhet se në Shqipëri që prej vitit 2017 po vazhdon një bum ndërtimesh që bëhen me para cash nga krimi i organizuar dhe korrupsioni, vlerësojnë ekspertët e fushës.
