Një 43-vjeçar nga Shkodra, i identifikuar si Blerim Gjeta, është vënë në prangat e policisë në zonën e Vorës në Tiranë. Atij i është gjetur me vete një pistoletë, me krehër, dhe municion luftarak. Gjeta ka qenë i dënuar më parë për vepra penale kundër jetës së personit. Në vitin 2022, Gjeta ka goditur me thikë dy persona në ambientet e një lokali në Tiranë.
NJOFTIMI I POLICISË
Vorë/Qarkullonte me automjet, i armatosur, arrestohet në flagrancë 43-vjeçari. Seksioni i Operacioneve Speciale në DVP Tiranë, në bashkëpunim me Komisariatin e Policisë Nr. 7, në zbatim të masave të planit operacional “Sundimi i ligjit”, bazuar dhe në informacionet e siguruara nga inteligjenca policore, finalizoi operacionin e koduar “Van”.
Gjatë operacionit u arrestua në flagrancë shtetasi B. Gj., 43-vjeç, banues në Shkodër, i dënuar më parë për vepra penale kundër jetës dhe personit, që qarkullonte me automjet i armatosur. Në cilësinë e provës materiale u sekuestrua arma e zjarrit pistoletë, me krëhër e municion luftarak, që 43-vjeçari posedonte.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
