Më 28 maj Shqipëria pritet të hapë kufirin me këtë shtet

Google+ Pinterest LinkedIn Tumblr +

Shqipëria pritet që ta hapë kufirin me Kosovën më 28 maj, teksa kryeministri Edi Rama gjatë fjalimit të tij të djeshëm në Kuvend paralajmëroi se Shqipëria brenda muajit maj do të jetë e hapur tërësisht nga masat e marra për pandeminë, raporton Klan Kosova.

“Brenda majit, Shqipëria do të jetë e hapur tërësisht, kufijtë do të jenë hapur dhe ne do të përgatitemi për sezonin turistik”.- tha Rama dje.

Nga ana tjetër, nuk ka ende një datë se kur do ta hapë Kosova kufirin e saj me Shqipërinë.

Zëdhënësi i Ministrisë së Shëndetësisë së Kosovës Faik Hoti ka thënë për Klan Kosovën se sipas planit aktual hapja e kufijve dhe aeroporteve rivlerësohet në fazën e tretë të hapjes – që fillon më 1 qershor, ndonëse ai nuk e përjashton mundësinë që hapja e kufijve, në veçanti me Shqipërinë, të ndodhë edhe më herët.

Sipas Hotit,  Shqipëria mund ta hapë kufirin e njëanshëm, sepse “secili shtet vendos për kufijtë e vet”.

“Nëse nuk hiqet karantina e kuptueshme është që po, pos kategorive që nuk hyjnë si: personat mbi 70 vjet, të sëmurët kronikë, fëmijët nën moshën 18 vjeçare, mjekët, pjesëtarët e Policisë dhe FSK-së, personat që marrin pjesë në ceremoni familjare varrimi dhe personat që dëshmojnë se në tre ditët e fundit kanë bërë testin, por për çdo ditë rivlerësohet situate. Karantina mund të hiqet nesër ose pas një muaji – këto janë gjëra që ndryshojnë varësisht situatës”.

Krahasuar me vendet e tjera të rajonit – Maqedonia e Veriut dhe Mali i Zi ende nuk i kanë hapur kufijtë e vet ndryshe nga Serbia, e cila edhe pse është më e goditura në rajon nga pandemia, ka hapur krejt kufijtë dhe ka hequr të gjitha ndalesat.

Shpërndaje
Share.

Komento