VLORË
Një ngjarje e rëndë është shënuar sot paradite pranë plazhit të Marinës në Vlorë.
Një 60-vjeçar ka hyrë në det për t’u larë, mirëpo nuk ka dalë më gjallë prej andej.
Mësohet se Luan Mezani nga Tirana ka humbur jetën si pasojë e mbytjes.
Menjëherë në vendngjarje kanë mbërritur ambulanca dhe shërbimet policore.
Nuk ka ende detaje sesi ka ndoshur kjo ngjarje e rëndë, ndërsa 60-vjeçari ka ndërruar jetë rrugës për në spital.
Këtë verë, në plazhet e vendit tonë janë shënuar shumë mbytje.
Duket se edhe kujdesi nga ana e rojeve të plazhit nuk është i duhuri dhe ky vakuum i rëndësishëm institucional çon në tragjedi të tilla, me bilanc përfundimtar humbjen e jetës së njerëzve.
