Në shkollën Sotir Gurra në Korçë kanë dalë pozitiv me Covid-19 shtatë mësues dhe si pasojë është marrë vendimi që ky institucion mos të hapë dyert ditën e nesërme.
Sipas burimeve pranë drejtorisë rajonale të arsimit bëhet me dije se e gjithë godina do t’i nënshtrohet dezinfektimit.
Mësohet se mësuesve të kësaj shkolle u janë marrë tamponët ndërsa janë izoluar deri në pritjen e rezultatit.
Disa prej mësuesve kanë dalë pozitivë dy ditë më parë ndërsa sot janë edhe pjesa tjetër e tyre.
Vendimi për mbylljen e dyerve të kësaj shkolle është marrë nga drejtoria rajonale e arsimit në zbatim të protokollit të sigurisë.
Institucionet shtetërore kanë qenë ndër më të prekurat nga Covid-19 kohët e fundit ku numri i rasteve dhe vdekjeve është rritur.
Ditën e sotme patëm 7 viktima, si asnjëherë më parë në vendin tonë.
