Sapo ka përfunduar procesi i numërimit të votave në bashkinë e Peqinit dhe Patosit. Sipas të dhënave zyrtare nga KQZ, partia fituese në këto dy bashki është ajo e socialistëve. Konkretisht në bashkinë e Patosit, rezultati i kutive të votimit është PS me 7707 vota, PD me 5112 vota dhe LSI me 1005 vota.Ndërsa, në Bashkinë e Peqinit rezultatet ndahen, si vijon: PS ka 6702 vota, PD ka 5397 vota dhe LSI 311 vota, ndërsa janë shpallur të pavlefshme 701 vota.
Deri më tani janë numëruar 3405 kuti. PS ka 483078 vota ose 48.8%, PD ka 388584 vota ose 39.3%, LSI 67786 vota ose 6.9%, PSD 21749 vota ose 2.2%. Diferenca mes dy poleve është 2.5%. Me mandate, sipas projeksioneve PS ka deri tani 73 mandate, PD 60, LSI 5 dhe PSD 2.
Ndërsa kujtojmë se vijon procesi i numërimit të votave në shumicën e qendrave te numërimit në Shqipëri, ndërsa po dalin edhe rezultatet e para. Rreth 3 milionë e 600 mijë shqiptarë me të drejtë vote ishin pjesë e listave për të zgjedhur përfaqësuesit e rinj të Parlamentit për 4 vitet e ardhshme. Në këto zgjedhje sippas të dhënave nga KQZ numri i pjesëmarrësve në votime ishte më i lartë krahasuar me vitin 2017 ku u mbajtën zgjedhjet e fundit parlamentare.Gjatë mëngjesit të ditës së sotme kreu i kësaj partie, Tom Doshi dha dorëheqjen e parevokueshme nga mandati i deputetit, por jo nga drejtimi i partisë.
