Bashkëkryetari i Komisionit të Posaçëm të Reformës Zgjedhore dhe anëtari i maxhorancës në Këshillin Politik, Damian Gjiknuri, ka dorëzuar sot në Kuvend draftin final të marrëveshjes së arritur me opozitën. Sipas informacioneve mësohet se Këshilli Politik ka zhvilluar mbledhjen e fundit mbrëmjen e djeshme dhe janë bërë disa ndryshime të tjera në draftin e dakordësuar më herët.
Bëhet me dije se ndryshime ka pasue për mënyrën e vendimmarrjes së Komisionit Qendror të Zgjedhjeve dhe disa ndryshime të tjera në Kodin Zgjedhor. Edhe vota e emigrantëve është dakordësuar të jetë që në zgjedhjet e ardhshme dhe mënyrën se si ata mund të votojnë.
Amendamenet janë ndryshuar në lidhje me vendimmarrjen e KQZ-së dhe listën e deputetëve. Ndryshimet në Kodin Zgjedhor vijnë pas arritjes së dakordësisë me opozitën.
“Lista e zgjedhësve që votojnë nga jashtë vendit, përfshin vetëm zgjedhësit me vendbanim jashtë vendit, të cilët deklarojnë vullnetin për të ushtruar të drejtën e votimit, sipas rregullave të dala në zbatim të nenit 24 të këtij ligji.”
Ndërsa, kuota gjinore ka mbetur 1 në 3 me refuzim liste.
“Për çdo zonë zgjedhore, në zgjedhjet për Kuvendin, jo më pak se një në çdo tri emra të listës shumëmërore duhet t’i përkasë gjinisë së nënpërfaqësuar, kurse në zgjedhjet për këshillat bashkiakë, një në çdo dy emra të njëpasnjëshëm në renditje duhet t’i përkasë së njëjtës gjini.”
