Ditën e sotme mbretëresha Elizabeth II, monarkja e 63-të e Britanisë, feston 96-vjetorin e lindjes, megjithëse ditëlindja e saj shënohet zyrtarisht në qershor, kur festohet edhe 70-vjetori i fronëzimit.
Theksojmë se Elizabeth lindi më 21 prill 1926, në Bruton Street, në qendër të Londrës. Kurorëzimi i saj, në moshën 27-vjeçare, u mbajt në Ëestminster Abbey, më 2 qershor 1953.
Titulli si mbretëreshë i jep Elizabeth shumë privilegje të cilat ne ua kemi renditur më poshtë:
- Mund të ngasë makinën pa pasur patentë
Është personi i vetëm në Mbretërinë e Bashkuar që ligjërisht nuk ka nevojë për një patentë.
- Nuk ka nevojë për pasaportë për të udhëtuar
Pjesëtarët e tjerë të familjes mbretërore duhet ta kenë një pasaportë nëse udhëtojnë, por jo Mbretëresha.
- Feston dy ditëlindje
Po, është aq e rëndësishme sa gjatë vitit feston ditëlindjen dy herë, një herë më 21 prill, kur ka ditëlindjen zyrtare, dhe një herë në qershor – koha kur është kurorëzuar.
- Ka bankomatin e saj privat
Në pallatin Buckingham është instaluar një bankomat privat vetëm për Mbretëreshën
5. Ka shumë kafshë
Ajo zotëron të gjitha mjelmat e lumit Tamiz, si dhe të gjithë delfinët dhe balenat që ndodhen në ujërat britanikë.
- Nuk paguan taksa
Edhe pse ligjërisht nuk ka pse të paguajë taksa, Mbretëresha filloi t’i paguajë ato me dëshirën e saj në vitin 1992.
- Nuk mund të arrestohet asnjëherë
Ka imunitet ndaj çdo lloj akuze. Për më tepër, ajo dhe familjarët e saj kanë të drejtë të mos japin asnjë lloj aksesi në marrjen e informacionit për jetën e tyre private.
- Ka poetin e saj
Momentalisht, Mbretëresha ka poetin e saj personal, Simon Armitage. Ai e ka marrë këtë detyrë që nga viti 2019, pas Carol Ann Duffy. Një poet e merr këtë pozicion të nderuar kur puna e tij ka rëndësi kombëtare.
- Është në krye të një besimi
Bashkë me titullin mbretëror, Mbretëresha është edhe në krye të Kishës së Anglisë. Kjo do të thotë që asaj nuk i lejohet të konvertojë besimin e saj, sepse nëse e bën, i hiqet titulli.
