Ka shkuar në 10 numri i të infektuarve nga Coronavirusi në vendin tonë, teksa ministrja e Shëndetësisë tha së fundmi se janë bërë plot 114 analiza në total, por 104 kanë rezultuar negativ.
Ndërkohë, kryeministri Rama po zhvillon një mbledhje të jashtëzakonshme me kabinetin qeveritar, ku ka njoftuar masat e reja të marra për situatën në vendin tonë.
Ndër të tjera, kryeministri Edi Rama ka deklaruar se stafi mjekësor që po përballet me situatën do marrë një shpërblim prej 1000 eurosh, ndërsa, sanitarët dhe shoferët e autoambulancave do të kenë 500 euro plus në rrogën e tyre.
“Më vjen shumë mirë që të gjithë taks forcat e përshëndesin personelin mjekësor por fare vlere ka nëse ti i thua se këto janë vrasëse për ty. Personeli e ka treguar veten siç e treguan në tragjedinë e 26 nëntorit dhe vijojnë ta tregojnë sërish veten. I gjithë personeli mjekësor i angazhuar në sistemin dhe në luftën frontale me koronavirusin që nga autoambulancat që shkojnë për vendosjen e tamponëve. Stafit mjekësor do t’i japim shpërblim prej 1000 eurosh për të gjithë punën e tyre. I gjithë stafi duke filluar nga pastrueset kanë bërë një punë të jashtëzakonshme në të gjithë këtë betejë”, deklaroi kreu i qeverisë.
Po ashtu, Rama njoftoi se do të mbyllen të gjitha pub-et, diskot, palestrat dhe të gjitha aktivitetet që mbledhin njerëz, duke theksuar se nuk është ende koha që të mbyllen restorantet dhe lokalet, por se ato duhet të marrin masat që qytetarët të mos kenë kontakte.
Po ashtu, kryeminstri Rama tha se nga nesër do të niset në shtëpi e gjithë administrata që mund ta bëjë punën nga shtëpia me kompjutër, teksa tha se do të anulohen edhe të gjitha shërbimet në sportele në mënyrë që të eliminohet kontakti me njerëzit.
“Po luani me motrën dhe babain, forca e verbër të hyn në mes dhe të thyen brinjët. Po ndodh me një vend aq të madh dhe të fortë. Po i dridhen këmbët gjithë botës. vazhdojnë shifrat të jenë pozitive për shërueshmërinë. Nuk luftohet duke shkuar nëpër pabe dhe palestra, gjëra që bëhen në kushte normale. do të bëj edhe policin, edhe prindin, edhe të keqin. Nuk do të doja të isha kurrë në këtë pozicion. Janë kufizuar kontaktet në këtë godinë, jo vetëm për mua. Edhe kjo mbledhje është diçka e rradhë por jo maksimumi për të zbatuar rregullat. Duhet të kufizojmë lëvizjen, ato që janë të nevojshme por jo jetike. Nuk mund të shkojmë në klub por t’ja sjellim koronën gjyshes së sëmurë. Nuk mund të shkojmë në palestër dhe t’ja sjellim koronën bashkëshortes. Është luftë që çdo minutë është sa një vit. Për këtë arsye ne nga dita e nesërme do të çojmë në shtëpi administratën që mund të punojë nga kompjuteri. Nuk do të japim më shërbime në sportele,”-njoftoi Rama.
Deri tani, Coronavirusi ka prekur 102 shtete në gjithë botë, duke marrë 4,000 jetë njerëzish teksa janë infektuar 116,000 persona të tjerë.
