Mbledhja e Këshillit të Sigurisë Kombëtare, Meta zbardh detajet e takimit

Google+ Pinterest LinkedIn Tumblr +

Presidenti Ilir Meta ka zbardhur detajet në mbledhjen e Këshillit të Sigurisë Kombëtare.

Kreu i Shtetit i ka bërë thirrje prokurorisë, që të nisë punën, për të vendosur para përgjegjësisë abuzuesit e ndërtimeve.

Gjithashtu u fol edhe për një bashkëpunim të ngushtë mes të gjitha institucioneve, për të përballur emergjencën, deri në vendosjen e normalitetit të plotë.

Ndër të tjera u kërkua sigurimi i burimeve të brendshme dhe mbështetja e duhur e ndërkombëtarëve.

“Sot në mbledhjen e Këshillit të Sigurisë Kombëtare, diskutuam për një bashkëveprim dhe koordinim më të ngushtë midis të gjitha institucioneve për përballimin e emergjencës deri në rivendosjen e normalitetit të plotë. E mbështetëm prokurorinë të çojë përpara hetimet dhe të vendosë para përgjegjësisë penale të gjithë ata që do të rezultojnë përgjegjës.Të sigurojmë burimet e brendshme dhe mbështetjen e duhur ndërkombëtare për tejkalimin e pasojave të rënda të këtij tërmeti të tmerrshëm”, shkruan Meta.

Shpërndaje
Share.

Komento