Pas përfundimit të mbledhjes 40 minutëshe të Këshillit Politik për Reformën Zgjedhore kryeministri Edi Rama në një deklaratë për mediat u shpreh se ishte në interesin e PD-së që të zhvillohej ky proces.
Më tej kreu i qeverisë tha se ky këshill e ka përfunduar misionin e vet, pasi ditën e nesërme votohet marrëveshja e 5 qershorit dhe hynë direkt në fuqi.Ndërkohë për ndryshimet kushtetuese kryeministri tha se do të votohen më 30 korrik pasi ashtu siç ekspertët u shprehën nuk preket marrëveshja e 5 qershorit.
“Kishim një diskutim me një grup të ekspertëve të Këshillit Politik që kanë ndjekur procesin, Damiani mbase sqaron më mirë në aspektin e pretendimit që është shprehur PD-ja. Ne erdhëm për të shprehur jo vetëm vullnetin, por edhe gatishmërinë për të diskutuar mbi cdo gjë që është e paqartë, që ka krijuar keqkuptim, apo mos kuptime të caktuara për risitë kushtetuese. Është në interesin e PD-së që të zhvillojë këtë proces, sepse faktikisht ky këshilli e ka kryer misionin e vet me marrëveshjen e 5 qershorit dhe nga ana tjetër pas 30 korrikut jeta politike vazhdon. Do të na duhet të reflektojmë në ligjin zgjedhor c’ka kushtetuta lidhur me listat e hapura do të imponojë dhe më duket absurde që të bojkotohet diskutimi lidhur me këtë.
Duhet ta përsëris nuk jemi në kushtet e një vendi pa institucione dhe parlament dhe mos ekzsitenca imagjinare e parlamentit nga opozita jashtë parlamentit nuk e bën parlamentin inekzistent. Pavarësisht se PD-ja dhe aleatët e saj u arratisën duke braktisur detyrën janë pjesë e këtij realiteti politik dhe mohimi do të ishte i padrejtë, jo me personazhet, por me qytetarët. Jam i keqardhur, se është një kohë e shkurtër. Kemi konsensus me forcat parlamentare dhe kushtetshmërit me ligj dhe zakon nuk kemi asnjë hall të posaçëm, por mendoj që kemi bërë gjënë e duhur, edhe sot. Sa i përket pretendimit që të mblidhemi për cka është nënvizuar nga pala që refuzoi që të merrte pjesë, mendoj që Damiani mund të japë një sqarim se e njeh më mirë se unë procesin.
Ekspertët e kanë bërë të qartë që asgjë nuk preket. Reflektimi i risive kushtetuese është diçka tjetër. Nëse ka një reflektim për marrëveshjen e 5 qershorit nuk do të thotë asgjë fare. Marrëveshja e 5 qershorit do të votohet nesër dhe do të hyjë në fuqi dhe ndryshimet kushtetuese do të votohen me datën 30 qershor dhe do të hyjnë në fuqi. “- tha Rama.
