Ditën e sotme po zhvillohet mbledhja e grupit parlamentar të Partisë Demokratike, ndërkohë që ka pasur diskutime të forta midis ish-kryeministrit Berisha dhe Enkeled Alibeaj.
Prania e ish-kryeministrit Sali Berisha, ishte e papërshtatshme sepse nuk ishte i ftuar, kjo sipas kreut të grupit Enkelejd Alibeaj.
Alibeaj njoftoi që në mbledhjen e së enjtes të pranoheshin edhe të pezulluarit dhe të përjashtuarit, përveç Sali Berishës, i cili është i përjashtuar, pasi është ‘non grata’. Por, për Sali Berishën, i cili nuk ka marrë një njoftim zyrtar, ky njoftim zyrtar nuk ka shumë rëndësi.
Ndërkohë që slogani i ri I Partisë Demokratike është:“Më të bashkuar, më të fortë”, por ka një rikthim tek logoja e vjetër.
Sfondi i mbledhjes së grupit parlamentar ka qenë i gjithi blu ditën e sotme, ngjyra tradicionale e PD dhe në të i stampuar slogani “Më të bashkuar, më të fortë” që pasqyron thirrjet e fundit nga selia blu për bashkim.
Theksojmë se megjithëse kreu i grupit parlamentar Enkelejd Alibeja i kërkoi Sali Berishës largimin nga mbledhja, duket se logoja dhe sfondi janë të vendosura nga grupi i rithemelimit të PD.
Ndërkohë që përveç Lulzim Bashës ka disa deputetë të tjerë që nuk marrin pjesë.
Agron Gjekmarkaj
Alfred Rushaj
Flutura Acka
Grida Duma
Kreshnik Collaku
Lulzim Basha
Orjola Pampuri
Ilda Dhori
