Dalin në dritë disa detaje të reja nga ngjarja e mbrëmshme, ku u dogj pjesërisht makina e modeles Françeska Jaçe. Ngjarja ndodhi rreth orës 21:04, në lagjen “Pavarsia”. Ka dyshime që zjarri të ketë qenë i qëllimshëm, pasi mendohet se makina luksoze “Range Rover Velar” është tentuar të vidhet.
Sipas burimeve të policisë, automjetet luksoze kanë një sistem anti-zjarri që kur ndjejnë flakë në afërsi të sensorëve në pika të caktuara, hapen automatikisht. Makina e Françeska Jaçe është ndër mjetet më të shtrenjta, pasi vlera e saj shkon në mbi 50 mijë euro.
Fillimisht, policia mendoi për një bombë poshtë automjetit, por pas verifikimit doli që ishte vetëm një vatër zjarri, e cila dyshohet se ishte vendosur qëllimisht. Dy pistat e hetuara janë ato të një tentative për një zjarrvënie të qëllimshme dhe pista e dytë, është ajo e tentativës për vjedhjen e makinës, e cila në tregun e automjeteve të vjedhura, ka po ashtu vlerë shumë të lartë.
Vetë modelja Françeska Jaçe, nuk ka reaguar ende për këtë sulm që është i bërë, ndërsa me anë të rrjeteve sociale, ka treguar se ndodhet në Rio, Brazil. Nuk është hera e parë që makinat e personazheve të famshëm në Shqipëri sulmohen nga persona të panjohur.
