Ka mbërritur në aeroportin e Rinasit pjesa e parë e 22 mijë e 230 dozave të vaksinës Pfizer që do të lëvrohen deri në datën 20 prill. Lajmin e ka bërë të ditur vetë kryeministri Edi Rama me anjë të një postimi në Facebook, por megjithatë ai nuk ka treguar sa është sasia e vaksinave që kanë ardhur. Rama shkruan se me forcë e me kombëngulje do t’i rikthehet Shqipërisë Buzëqeshja mes vendeve më të shpejta ne Europë për vaksinimin masiv.
Postimi i Ramës:
🔴 Sapo mbërriti në Rinas partia e parë e 22 mijë e 230 dozave PFIZER, që do të lëvrohen deri në 20 prill💪
Vazhdojmë me forcë e me këmbëngulje përpara, që t’i kthejmë Shqipërisë buzëqeshjen një orë e më parë, mes vendeve më të shpejta në Europë për vaksinimin masiv🌈🇦🇱
Më herët gjatë ditës së sotme kryeministri lajmëroi se në datën 10 prill do të mbërrijnë në Shqipëri edhe 50 mijë doza të vaksinës ruse Sputnik V, ndërsa më parë është bërë e ditur se pritet të vijnë gjithashtu vaksina të tjera nga AstraZeneca. Në Shqipëri vaskinimi ka nisur me Pfizer, AstraZeneca e për të vazhduar me pas me vaksinat ruse e më tej me vaksinat kineze të Sinovac, me të cilat nisi edhe vaksinimi masiv.
