Mbrëmjen e sotme kanë mbërritur në aeroportin e Rinasit dozat e radhës të vaksinave anti-Covid. Bëhet fjalë për 32 760 doza të vaksinas Pfizer, ndërsa lajmin e ka ndarë kryeministri Edi Rama në rrjetet sociale. Rama bën me dije se numri i vaksinave të ardhura në vend deri tani ka shkuar në 1 611 550.
“32,760 doza të vaksinës Pfizer sapo kanë mbërritur në Aeroportin “Nënë Tereza”, duke çuar në 1,611,550 sasinë e vaksinave anticovid të mbërritura në vend.
Vijojmë çdo ditë pa u ndalur me vaksinimin e hapur +18 vjeç, deri të dielën, në çdo qendër vaksinimi në vend”, shkruan Rama.
Kujtojmë se lajmin për mbërritjen e vaskinave anti-Covid të Pfizer e bëri me dije ministrja e Shëndetësisë, Ogerta Manastirliu gjatë një vizite në stadiumin “Air Albania”, ku pa nga afër mbarëvajtjen e procesit të vaksinimit.
Ndër të tjera ministria bëri me dije se që prej ditës së sotme fillon java e hapur e vaksinimit. Nga dita e hënë e di në 25 korrik, të gjithë qytetarët që janë mbi 18 vjeç mund të marrin vaksinën për Covid-19. Vaksinimi mund të kryhet në çdo qendër shëndetësore apo qendër vaksinimi në qytetet përkatëse. Qendrat do të jenë të hapura deri në orën 20:00 dhe për t’u vaksinuar duhet që personat të kenë me vete kartën e identitetit.
