Pak më parë ministrja Manastriliu deklaroi qeveria shqiptare vendosi sot përdorimin e maskës si të detyrueshme në çdo ambient të mbyllur. Dhe menjëherë pas këtij vendimi Ministria e Shëndetësisë ka shpërndarë disa udhëzime për krijimin e një maske në kushte shtëpie.
Përmes disa fotove në faqen e saj ajo tregon katër hapat që duhet të ndiqni për të krijuar një maskë pa asnjë kosto në kushte shtëpie.
Pas vendimit të sotëm, mbajtja e maskave mbrojtëse për mbrojtjen ndaj transmetimit të COVID 19 do të jetë detyrim për çdo individ në të gjitha ambientet e mbyllura, në administratën publike dhe jo publike, në transportin publik, në zyra, shkallë pallati, ashensorë, në qendrat tregtare, dyqane, supermakatat, tregjet dhe njësitë e shërbimit.
Njoftimi i Ministrisë
#VendosniMaskën
👉Barrierat mbrojtëse mund të bëhen vetë në shtëpi dhe pa asnjë kosto!
📌Ndiqni hapat se si të krijoni një maskë me shami në shtëpi:
▪️Pasi keni marrë një shami duhet ta palosni atë në gjysmë;
▪️Sërisht paloset pjesa e sipërme deri tek gjysma dhe pjesa e poshtme;
▪️Vendosen rripat e llastikut ose për me lehtë llastikat e flokëve në largësi 6 cm nga njëra- tjetra;
▪️Palosen të dyja anët dhe qepeni me gjilpërë;⬇️
😷Pasi e keni larë me ujë të nxehtë dhe detergjent, mund ta përdorni maskën në çdo ambient të mbyllur, me qëllim mbrojtjen nga infektimi me #COVID19.
#RespektoRregullat
#RuaniShëndetin
