Rasti i dhunimit të 28-vjeçares në Tiranë, Gleard Gusholli ka tronditur opinionion publik. Ndërkohë që avokati i Gushollit pretendoi se i mbrojturi prej tij prej gjashtë muajsh përdorte antidepresantë, e për këtë shkak nuk ka qenë tërësisht i ndërgjegjshëm në veprimet e tij. Mbrojtësi arsyeton gjithashtu se edhe vajza e ka dhunuar Gushollin nën efektin e lëndëve narkotike. 28-vjeçarja ka shpjeguar për policinë se nën kërcënim e shantazh është detyruar edhe të konsumojë lëndë narkotike, pasi nuk kishte rrugëdalje. Në një intervistë për Neës24 28-vjeçarja tha se Gusholli ka tentuar ta vrasë, ndërsa vetë ajo për t’i shpëtuar dhunës ka te tentuar edhe vetëvrasjen. E reja e cila punonte si infermiere në Gjermani braktisi jetën e saj atje dhe nisi bashkëjetesën me 31-vjeçarin, i cili sipas saj e dhunonte sistematikisht. Aktualisht vajza ka lënë spitalin e Traumës dhe është rikthyer pranë të afërmve të saj. Ndërsa, dy vëllezërit, Bledi dhe Erlin Kateshi, Besmir Nurçellari dhe ish-futbollisti Arjan Sheta u liruan nën masën e detyrimit për paraqitje, pasi ndaj tyre rëndonin akuzat e moskallëzimit të krimit dhe dhënies ndihmë të autorit të dhunës. Në seancën me dyer të mbyllura, prokuroria tha se ndaj 31-vjeçarit janë ngritur akuzat e dhunës në familje, nëpërmjet kanosjes dhe kërcënimit për vrasje si dhe heqje të paligjshme të lirisë. Akuza për Gushollin u ashpërsua sepse në fillim ai u akuzua për plagosje, por për shkak të marrëdhënieve të bashkëjetesës, prokuroria tha se duhet të përgjigjej për dhunë në familje.
“Rrezikova jetën për liri, Kosova ishte më e rëndësishme se fati im personal”- fjalimi i Hashim Thaçit në Gjykatën e Hagës
Në Dhomat e Specializuara të Kosovës në Hagë u zhvillua seanca përmbyllëse ku ish-krerët e Ushtrisë Çlirimtare të Kosovës paraqitën...
