Mbajti hapur biznesin dhe u infektua, dezinfektohet banesa dhe restoranti i 46-vjeçarit në Elbasan

Google+ Pinterest LinkedIn Tumblr +

Ditën e djeshme pronari i një restoranti në lagjen “5 maji” në Elbasan u konstatua me COVID-19.

Ai kishte mbajtur restorantin hapur në kundërshtim me urdhërat e qeverisë.

Pas infektimit 46-vjeçari u transportua drejt Infektivit në QSUT, ndërsa iu morën tamponët 12 personave që kanë qenë në kontakt me të.

Sot ndërkohë është bërë dezinfktimi i restorantit, banesës dhe zonës përreth.

Dyshohet se në restorantin e 46-vjeçarit është infektuar edhe kasapi, i cili më pas ia transmetoi edhe gruas virusin.

Bilanci i COVID-19 në vendin tonë është 383 të prekur, nga të cilët 22 viktima dhe 131 të shëruar.

Në 24 orët e fundit u shënuan vetëm 6 raste të reja nga 182 testime, shifra kjo më e ulët që prej dy javësh.

Në spitalin Infektiv aktualisht ndodhen 6 të shtruar ku 5 prej tyre janë në terapi intensive.

Ndërsa në spitalin COVID2, ndodhen 7 pacientë, 6 prej të cilëve në terapi intensive, ku 3 janë intubuar.

Pavarësisht uljes së numrit të rasteve të reja, Ministria e Shëndetësisë i bën thirrje qytetarëve, që të vijojnë me zbatimin e higjienës, distancimit social dhe kufizimit të daljeve nga shtëpitë.

Shpërndaje
Share.

Komento