Kryeministri Edi Rama ka filluar të ndrsshojë qëndrimet për sa i përket sjelljes së Bashkimit Europian me vaksinat. Pasi e ka kritikuar BE-në për shpërndarjen e vaksinave në Ballkanin Perëndimor, Rama ka bërë sërish deklarata të forta.
Në emisionin “Zgjedhje 2021” në Vizion +, Rama tha se edhe pse e ka sulmuar BE-në, ai tha se do t’I marri më shumë vaksina se të tjerët. Kryeministri deklaroi se nuk vë asnjë mbi veten si europian, por nuk ka problem nëse BE-së i kujtohet edhe Erdogani. Gjithsesi ai nuk e shigjeton BE-në, pasi është europian, por edhe mysliman
“E kam shigjetuar BE, dhe kur të shpërndajë për rajonin unë do t’i marr më shumë se të tjerët. Mbaje mend se ça po të them. Se nuk kam shigjetuar BE, se jam europian. Mysliman, europian. S’ka ndonjë problem t’ju kujtohet edhe Erdogani. Nuk vë asnjë, po asnjë. Le të ketë kush të dojë nuk e vë mbi veten timë si europian. S’më ndalon dot njeri të them mendimin tim. Këto gjëra nuk e ulin Shqipërinë. BE nuk është Komitetit Qendror por tregojnë respektin që ke për vete. Se po nuk e respektove veten kur ulesh me këta të mëdhenjtë të tjerët nuk të llogarisin fare,”-tha Rama.
