Sot fillon në Tiranë Konferenca Rajonale e Europës e INTERPOL, një ngjarje kyçe për agjencinë ku përfaqësues të lartë nga shtetet anëtare do të diskutojnë dhe vendosin mbi zhvillimin e strategjive të luftës kundër krimit të organizuar ndërkombëtar. Konferenca do të zgjasë tre ditë dhe do të përmbajë fjalime nga autoritetet e larta shqiptare dhe udhëheqësit e INTERPOL-it.
Konferenca është organizuar nga Ministria e Brendshme e Shqipërisë dhe Drejtoria e Përgjithshme e Policisë së Shtetit, në bashkëpunim me Sekretariatin e Përgjithshëm të INTERPOL-it. Pjesëmarrësit, rreth 200 përfaqësues nga agjencitë ligjzbatuese të Europës dhe më gjerë, do të ndajnë eksperienca dhe do të hartojnë masat e reja për përballjen me sfidat e sigurisë.
