Senati Italian i dha mbrëmjen e sotme votëbesimin qeverisë së Giuseppe Conte. Më konkretisht, 156 senatorë votuan pro, 140 kundër dhe 16 zgjodhën të abstenojnë.
Dy senatorë të Forza Italia votuan po, Andrea Causin dhe Maria Rosaria Rossi, më pas u përjashtuan nga partia.
Sipas analistëve, kryeministri Italian pritet të takohet me Presidentin e Republikës, Sergio Matarella, të mërkurën, për një vlerësim të zhvillimeve të fundit politike.
Matteo Renzi dhe të gjithë senatorët e partisë së tij abstenuan duke dërguar mesazhin se pavarësisht tërheqjes së tyre nga qeveria e koalicionit do të miratojë ose refuzojë, ligje të ndryshme, në varësi të përmbajtjes e tyre.
Kujtojmë se Italia pas tërheqjes së Mateo Renzit dhe ministrave të tij Bellanova dhe Bonetti nga koalicioni qeverisës Conte 2, vendos sërish para një krize të re politike në një situatë të vështirë për vendin kur covid-19 po infekton dhe po vret shumë njerëz.
“Për të dhënë dorëheqjen, duhet guxim dhe ndjenjë përgjegjësie. Kriza nuk është hapur nga ne, ajo është hapur prej muajsh”, deklaroi Mateo Renzi.
Masa vjen pas “takimit të ndërmjetëm” midis Conte dhe Presidentit Mattarella, i cili theksoi “nevojën për të dalë shpejt nga kjo gjendje e pasigurisë” duke pasur parasysh “pandeminë”.
Pas kësaj “skizme”, Presidenti Italian, Sergio Mattarella, kërkoi daljen nga kjo krizë politike në këtë kohë pandemie./Gazetareforma.com/
