Në internet është duke qarkulluar një video skandaloze, ku trajneri i një ekipi futbolli dhunon futbollistët.
Bëhet fjalë për ekipin e 17-vjeçarëve të Laçit.
Trajneri në fjalë, i cili godet lojtarët është Ndue Tarazhi.
Nga biseda nënkuptohet se ekipi kishte humbur dhe kjo kishte acaruar Tarazhin.
Me tone të ashpra ai u tregon futbollistëve, se kush e kishte fajin dhe më pas nis t’i godasë.
Ndër të tjera trajneri i ofendon lojtarët, duke i quajtur pisa, palaco apo maskarenj.
Tarazhi nuk ndalon së godituri lojtarët dhe njëri prej tyre ngrihet në këmbë, pasi nuk duron dot më.
Ja fjalët e tij:
Ti, mirë je? Po ti, mirë je dhe ti? Po ti, ku je? Ata bënë dy gola, dhe i bënë për fajin tënd. Po ti, do me lujt futboll, do me lujt në Greqi? Pisa. S’ju vje turp, maskarenj. Palaço. Doni me lujt futboll me Laçin. Zagarë. A ju thashë të hyni me mentalitet fituesi? Si jua bëjnë golin ju të dyve? Asnjë nuk i turret topit. A ju kam thënë të bëni regjim 1-ditor? Nuk keni fjetur gjithë natën, rrini nëpër televizor e kafe, nuk ju vjen turp. Ai ekip lask***sh atje, me ju mund ata, mër pisa. Nuk kam çfarë ju them, në dash fitoni, në dash humbni. Pisa. Ju jeni pisa. Dy gola ty t’i kanë bërë. Të dy. Ti i ke ngrënë. Nuk ju vjen turp. Në duel shpejtësie. Çfarë ke që sheh? Ulu aty, se ta marr shpirtin. Ulu këtu, ulu këtu, këtu.”
