Autoriteti Rrugor Shqiptar ka fituar gjyqin ndaj dy shoqërive të sigurimit të kompanisë DH Albania, në tenderin për lotin e parë të Unazës së Tiranës.
Ka qenë Gjykata Administrative e Shkallës së Parë që ka urdhëruar dy shoqëritë e sigurimit, ku këto të fundit patën lëshuar garancinë financiare të DH Albania, të paguajnë 2.2 milionë euro për Autoritetin Rrugor Shqiptar.
Konflikti për garancinë financiare nisi pas skandalit që u përhap në media në lidhje me falsifikimin e dokumenteve. Pasi u zbulua se DH Albania kishte falsifikuar dokumentet, qeveria jonë u detyrua që të prishte kontratën për lotin e parë të unazës
Kur nisën procedurat nga ana e shtetit shqiptar për të sekuestruar garancinë financiare të kompanisë, shoqëritë e sigurimit refuzuan të paguajnë.
Nëpërmjet një shkrese të drejtuar Autoritetit Rrugor, kompanitë të cilat kishin siguruar ofertën e DH Albania, pretendonin se garancia e tyre mbulonte realizimin e punimeve dhe jo vërtetësinë e informacionit të paraqitur nga kompania DH Albania.
Sipas tyre, kjo duhet të ishte detyrë e institucioneve të shtetit shqiptar.
Përmes një shkrese zyrtare drejtuar Autoritetit Rrugor, kompanitë që kishin siguruar ofertën e DH Albania, pretendonin se garancia që ato kanë lëshuar mbulonte realizimin e punimeve dhe jo vërtetësinë e informacionit të paraqitur nga DH Albania, sipas tyre ishte detyrë e vetë institucioneve te shtetit.
Autoriteti Rrugor i paditi shoqëritë e sigurimit në gjykatën administrative duke kërkuar arkëtimin e 2.2 milionë eurove të garancisë.
Nuk dihet nëse cështja do të shkojë në gjykatën e apelit, ku vendimi merr formën e prerë.
