Njërit nga vëllezërit indianë të akuzuar në Indi për vjedhjen dhe pastrimin e 725 milionë dollarëve, Nitin Sandesara, i është ndërprerë mandati si Konsull Nderi i Republikës së Shqipërisë në Nigeri me efekt të menjëhershëm nga Ministria e Jashtme.
Procedura e emërimit të z.Nitin Sandesara si Konsull Nderi i Republikës së Shqipërisë në Nigeri ka përfunduar në janar 2019, sqaron ministria.
Në zbatimin e procedurës së emërimit janë marrë në konsideratë kriteret dhe kushtet e përcaktuara në Konventën e Vjenës për Marrëdhëniet Konsullore.
Ndërsa për dhënien e nënshtetësisë shqiptare dhe pajisjes me pasaportë shqiptare të z. Sandesara, Ministria e Punëve të Jashtme thotë se nuk është procedurë, e cila ka kaluar nëpërmjet saj apo është në kompetencat e këtij institucioni.
