Kryeministri Edi Rama ka dalë sot në një konferencë për shtyp, ku veçse ka sinjalizuar mbërritjen e mundshme të varianteve të reja COVID në Shqipëri, nuk ka humbur rastin edhe të heq përgjegjësitë nga vetja për dështimin në menaxhim.
Për Ramën, fajin për rritjen e rasteve e kanë bizneset dhe klientët që nuk kanë respektuar masat e vendosura, a thua këto janë të mjaftueshme.
Pjesë nga deklarat e Ramës:
“Ka filluar një lëshim i vetes, ka shumë abuzime, shoh disa nga patriotët e mi që i vënë kshu si shular. I përdorin maskat si shaje të modës franceze. Nuk ka asnjë rrezik më shumë se sa në qendrast tregtare. Këtu ka një lëshim të vetes, një lehtësi me të cilën po merret kjo punë. Është e qartë se çdo centimetër që ne lëshojmë, virusi përparon, ka shumë ekspertë pa shkollë, ka nga ata që fillojnë me humoret që jo po virusi fle natën e del ditën. Nëse ti s’ke mundësi të mbyllesh brenda siç bëri Henri i shtatëm mbreti në kohën kur ra epidemia, atëherë do kufizosh sat ë mundësh kontaktet. Nuk është çështja që del natën apo ditën, por një orë më pak. Kaq duhet. Në jemi që nga fundi i javës së shkuar në diskutim për çfarë do të bëjmë. Presim nga Komiteti i Ekspertëve. Presim që të zbatojmë njëherë këto që kemi. Më vjen shumë keq në rast se në javët në vijim nuk shoh një ndryshim në qasje. Me vjen keq që shoh inspektorë, gjëja e fundit që dua të shoh unë që inspektorët hyjnë e dalin në biznese. E kam shumë të qartë që kur nëpër lokale, jo dy metra, por rrinë ngjitur aty dhe bëjnë party. Ja marrin njëri-tjetrit Covid-in vesh më vesh….do përgatitemi për zbatimin rigoroz të masave pa dashur të kthehemi tek kufizimet e vitit të shkuar. Duam që masat të kenë impakt maksimal. Për momentin nuk kemi. Siç edhe ju thashë, është Komiteti Teknik që do të vendosë”.
Rama në fakt bëri një konstatim shumë të saktë, masat nuk po respektohen. Por ai nuk e tha se ato as nuk janë të mjaftueshme. Ndalimi i qarkullimit pas orës 22:00 nuk e bën virusin më pak të transmetueshëm, madje as mbajtja e maskave në rrugë.
Pikë së pari, Baret dhe restorantet janë të gjitha hapur duke u kthyer në pika grumbullimi dhe shpërndarjeje të virusit. Sa vlerë ka mbajtja e maskës në rrugë, kur spo je ngritur nga një kafene e mbushur plot?
Së dyti, gjatë gjithë kohës kanë qëdnruar hapur një sërë sektorësh të prodhimit që nuk prodhojnë të mira bazike. Call center-at, fasoneritë, minierat qëndruan hapur edhe në kohën kur vendi ishte në mbyllje totale. Ndërkohë, qindar punëtorë grumbulloheshin në hapësira të ngushta.
Së treti, qeveria dhe bashkitë përkatëse nuk morën masat e nevojshme për ristrukturimin e autobusëev të linjave publike gjatë pandemisë. As nuk u shtuan linja të reja, e as nuk u lejuan të udhëtonin më pak pasagjerë. Në të kundërt, transporti publik vijon si në një periudhë normale, i tejmbushur, pa cilësi shërbimi dhe i shtrenjtë për atë që ofron.
Dhe e fundit: Po, masat nuk po zbatohen, por ky nuk është dështim i qytetarëve. Pa përgjegjësi institucionale, nuk mund të ketë përgjegjësi kolektive. Kanë qenë vetë ministrat e Ramës, që nga Spiropali e Evis Kushi ata që nuk kanë respektuar masat duke bërë gurmbullime për fushatat e partisë.
Si me cdo gjë tjetër, Rama po heq nga vetja përgjegjësinë e dështimit për t’ua ngarkuar këtë barrë shqiptarëve, të cilët detyrohen të punojnë me qindra njerëz në sektorët e tyre të punësimit e të lëvizin me transportin publik te tjembushur në kohë pandemie.
